ಹನಿ-2

ಮನದಾಳದ ತುಮುಲ

ಒಡಲಾಳದ ಒಲವು

ಕಣ್ಣಂಚಿನ ಕನಸು

ಸೋಲುತ್ತಲೇ ಇರೊಮನಸು

ಗುನುಗೋದು ಕಡೆವರೆಗು

ನಿನದೊಂದೆ ಹೆಸರು...

  ಆತ್ಮೀಯವಾಗಿ,

  ಜಗನ್ನಾಥ. ಆರ್.ಎನ್

ನಮ್ಮೂರು...

ಮದುವೆ ಲಗ್ನದಲ್ಲಿನ ಮೈಕ್ ಸೆಟ್ಟಿನ ಸೌಂಡು..

ಪ್ರತಿ ಸಂಜೆಯ ಊರ ಹೈಕಳ ಸದ್ದು..

ಕಾಣಿಯಾಗಿರೊ ಪಟ್ಟಿ ಸೇರಿವೆ...

ಮೈಕ್ ಸೆಟ್ ಪ್ರತಿ ಶುಭ ಕಾರ್ಯದಲ್ಲೂ ಪ್ರತೀಕದಂತಿತ್ತು...

ಪ್ರತಿ ಸಂಜೆಗಳು ಹೈಕಳ ಸದ್ದಿನಿಂದ ಆವೃತವಾಗುತ್ತಿದ್ದವು...

ಆ ಸದ್ದು ಮಾಯವಾಗಿ  ಸಂಜೆಗೂ ಕೂಡ ನಡು ರಾತ್ರಿಯ

ನೀರವ ಮೌನ ಆವರಿಸಿದೆ..

ಕಾರಣ ,

ಸರಕಾರ ಕೊಟ್ಟರೇನಂತೆ ಬಿಸಿ ಊಟ, ಸೈಕಲ್

ನಮ್ಮೂರ ಹೈಕಳು ಕಲಿಯಲು ಸಿಟಿ ಶಾಲೆಗೆ ಸೇರಿವೆ..

ಇನ್ನ ಅವು ಮನೆ ಸೇರುವುದು ರಾತ್ರಿ ಏಳರ ಊರ ಬಸ್ಸಿಗೆ..

ಅಪ್ಪ ಅಮ್ಮಂದಿರು ಇದನೆ ಬೀಗುತ್ತಿದ್ದಾರೆ ಅವರಿವರ ಮುಂದೆ

ತಮ್ಮ ಮಗು ಒಂದನೇ ತರಗತಿಗೆ ಇಂಗ್ಲೀಷ್ ಶಾಲೆಯಲಿ ಕಲಿಯುತಿರೊ ಕುರಿತು.

ಇನ್ನ ಊರ ಜಗುಲಿಗಳೆಂತು ಬಣಗುಡುತ್ತಿವೆ ಊರ ಯುವಕರಿಲ್ಲದೆ

ಕಾರಣ,

ನಮ್ಮೂರ ಯುವಕರು ಬೆಂಗಳೂರಂತ ನಗರಗಳ ಕ್ಲಬ್ಬು-ಬಾರುಗಳಲ್ಲಿ

ದುಡಿಯುತಿಹರು ಭೂಮಿಯಲಿ ಗೆಯ್ಯಲಾರದೆ...

ಒಟ್ಟಾರೆ ನಮ್ಮೂರಿನಲಿ ಈಗ ಈ ಗಾದೆ ಫೇಮಸ್ಸು

ಬೇಡವೆನಿಸಿದರೆ ಊರು ಸೇರಿ ಬೆಂಗಳೂರ ಬಾರು...

ಆತ್ಮೀಯವಾಗಿ,

ಜಗನ್ನಾಥ.ಆರ್.ಎನ್

ಶೂನ್ಯ...

ಬರೆಯುವಾಗಿನ ಲೇಖನಿಯ
ನೆರಳು ಕೂಡ ಅಣಕಿಸುತಿದೆ
ನೀ ಬರೆಯುವುದು
ಅವಳ ಕುರಿತೆ ಎಂದೆ...
ಆ ನೆರಳಿಗೇನು ಗೊತ್ತು ಪಾಪ
ನೀ ನನ್ನ ಸ್ವಾತಿಮುತ್ತು ಎಂದು..

ಎಲ್ಲ ಬೆರಗು ಕಂಗಳಿಂದ
ನೋಡಬಹುದು ನನ್ನ..
ಯಾರೂ ನನ್ನ ಆಂತರ್ಯದಿಂದ
ದೂರ ಮಾಡಲಾರರು ನಿನ್ನ...
ನೀನೂ ಕೂಡ ಅಳಿಸಲಾರೆ
ನನ್ನ ಎದೆಗೂಡಿನಲ್ಲಿನ ನಿನ್ನ ಮುಖಪುಟವ..
ಆವರಿಸಿರುವಾಗ ನಿನ್ನದೆ
ಪ್ರತಿ ಪುಟವ...

ನೀನೇ ನನ್ನ ಒಲವ ಮುಂದೆ
ಸೋತಿರುವಾಗ..
ಗೆಲ್ಲುವರ್ಯಾರು ಇನ್ನ ನನ್ನ ಮುಂದೆ..
ಕನಸು ಕೂಡ ಸೋತಿರುವಾಗ
ಬೇರೆ ಕನಸಿಗೆ ಜಾಗ ನೀಡಲು..
ಮನಸೇ ಮುಡಿಪಾಗಿರುವಾಗ
ನಾನೆಂದು ನಿನಗೆ ಎನಲು
ಜಗವೆಲ್ಲ ಶೂನ್ಯ ..

ಆತ್ಮೀಯವಾಗಿ,
ಜಗನ್ನಾಥ ಆರ್.ಎನ್

ಹೆಣ್ಮಕ್ಲು

ಏನೋ ಗೀಚಲು ಹೋಗಿ ಹಾಗೆ ಸುಮ್ಮನೆ ಮೂಡಿದ ಒಂದಿಷ್ಟು ಸಾಲುಗಳು
ಈ ಸಾಲುಗಳನ್ನು "ಪರಮಾತ್ಮ" ಚಿತ್ರದ "ಕತ್ಲೇಲಿ ಕರಡೀನ" ಹಾಡಿನ ದಾಟಿಯಲ್ಲಿ ಓದಿಕೊಳ್ಳಿ ..

ಸಾಕಪ್ಪ ಸಹವಾಸ ಈ ಹೆಣ್ಮಕ್ಲುದು..
ಹಾರ್ಟಲ್ಲಿ ಮಾಡ್ಬಿಟ್ಟು ಹೊರಟೋದ್ಲು
ಬಹು ದೊಡ್ಡ ಹೋಲು..
ಇದ ಮುಚ್ಹೊದ್ರಲ್ಲೇ ಕಳಿಬೇಕು
ಈ ಹಾಳು ಬಾಳು....  (ಪಲ್ಲವಿ)
ಸಾಕಪ್ಪ ಸಹವಾಸ ಹೆಣ್ಮಕ್ಲುದು..

(ಚರಣ..1)

ಫ್ಲ್ಯಾಷಬ್ಯಾಕು ನೆನಸ್ಬೇಡಿ
ಹೇಗಾಯ್ತೋ ಕಾಣೆ ..ಹೆಂಗಯ್ತೋ ಕಾಣೆ..
ಒಟ್ನಲ್ಲಿ ಲವ್ವಾಯ್ತು ನನ್ನಾಣೆ...
ಕೊಟ್ಟಿದ್ದು ಎಷ್ಟೋ ..ಕಳೆದದ್ದು ಎಷ್ಟೋ ..
ಸಿಗುತ್ತಿಲ್ಲ ಯಾವ್ದಕ್ಕು ಲೆಕ್ಕ..
ಎಷ್ಟಾದ್ರೂ ಈ ಲವ್ವು 420 ಪಕ್ಕ..
ಸಾಕಪ್ಪ ಸಹವಾಸ ಹೆಣ್ಮಕ್ಲುದು..

(ಚರಣ..2)
ಆ ಪಾರ್ಟಿ ಈ ಪಾರ್ಟಿ ಗಾಳಿ ಬೀಸ್ದಂಗೆ ಕಾಣ್ಸುತ್ತೆ
ಕುರ್ಚಿನ ಬಿಟ್ರುನು ಬಿಡದಂಗೆ ಕುತೀರೋ ಈ ನಮ್ಮ ಸಿ.ಎಮ್ಮು
ಒಟ್ನಲ್ಲಿ ಹಾಗೇನೆ ನಮ್ ಹಾರ್ಟ್ ಅಲ್ಲಿ
ಕೂತೊರೆ ಈ ನಮ್ಮ ಮೇಡಮ್ಮು ..
ಸಾಕಪ್ಪ ಸಹವಾಸ ಈ ಹೆಣ್ಮಕ್ಲುದು ..
ಬಿಟ್ಬುಡಿ ಬಿಡ್ಕೊಬೇಕು ವಸಿ ರಮ್ಮು..


ಆತ್ಮೀಯವಾಗಿ..
ಜಗನ್ನಾಥ ಆರ್.ಎನ್

ಮೊದಲ ರಾತ್ರಿ..

ಭಾರವೆನಿಸುತಿವೆ ಅವನ ಕೈಗಳು
ಅನುಮಾನ ಪಡುವಂತಾಗುತ್ತಿದೆ
ಅವನ ಸಂಭಾಷಣೆಗಳು..
ಇದು ಹೊಸತು ಅದು ಹಳತು
ಎಂದು ತಾಳೆ ಹಾಕುತಿರುವ
ಮನಸು  ತಿರುವಿ ಹಾಕುತಿದೆ
ಹಳೆಯ ಪುಟಗಳನು...

ಇವನ ಆಕ್ರಮಣ ಅತಿಕ್ರಮಣ
ಹೊಸತೆನಿಸಿದೆ ಮತ್ತು ಹೊಲಸೆನಿಸಿದೆ.
ಕೇವಲ ಮುತ್ತಿಗಾಗಿ
ಅವನು ಪಟ್ಟ ಪ್ರಯತ್ನವೆಷ್ಟು..? ಎಂದು
ತಾಳೆಹಾಕುತಿದೆ ಅವಳ ಮನಸು
ಹಳೆಯ ಹುಡುಗನೊಂದಿಗೆ..
ಕೋರಿಕೆ ಇರದ ಗೂಳಿಯಂತ ದಾಳಿ ಇವನದು
ಕಾಣಿಕೆಯಾಗಿ ಕೇಳಿಕೊಳ್ಳುತ್ತಿದ್ದ ಪಾಳಿ ಅವನದು..

ಗೆಳೆತನ, ಪ್ರೀತಿ ಮದುವೆ ಇವೆಲ್ಲವುಗಳ
ಮೂಲ ಉದ್ದೇಶ ಇದೊಂದೆ ಅಲ್ಲವೇ..?
ಎಂದು ಪ್ರಶ್ನಿಸುತಿರೋ ಇವಳು
ಎಂದೂ ಅವನಿಗೆ ಒಪ್ಪದೆ
ಇವನಿಗೆ ಚಾಚೂ ತಪ್ಪದೆ ಒಪ್ಪಿದೆ
ಮನ ನಿರಾಕರಿಸಲು ಸೋಲೊಪ್ಪಿದೆ
ನಿಜ ಜೀವನ ಇದೆ ಎಂದೆನಿಸಿದರೂ
ಇದು ಹೊಲಸು..

ಆತ್ಮೀಯವಾಗಿ,
ಜಗನ್ನಾಥ ಆರ್.ಎನ್

ಹನಿಗಳು-1

1.  ಕೋಟಿ ತಾರೆಗಳಿದ್ದರೂ

     ಚಂದಿರನಾಗೊಲ್ಲ..

     ಕೋಟಿ ಹುಡುಗಿಯರಿದ್ದರೂ

     ಯಾರೂ ನೀನಾಗೊಲ್ಲ..

2.  ಗೆಳತಿ ,

     ನೆನ್ನೆಗಳ ನೆನಪು

     ನಾಳೆಗಳ ಕನಸು

     ಅದು

     ನಿನ್ನ ಮನಸು...

3.  ಬದಲಾಯ್ತು ಬದುಕ ದಾರಿ

     ಅವಳಿಗಾಗಿ..

     ನಾನಾಯ್ತು-ಅವಳಾಯ್ತು

     ಸಾಕಿಷ್ಟು ಬದುಕಿಗಾಗಿ..

4.  ನುಡಿಸಲೀಗ ಅವಳಿಲ್ಲ

     ಅವಳ ನೆನಪೊಂದೆ ನನಗೆಲ್ಲ..

5.  ಬರಿಬೇಕು ಸಾಲು ಕವಿತೆ

     ನಿನಗಾದರೂ..

     ಇರಬೇಕು ನಿನ್ನಾ ಜೊತೆ

     ಯಾವಾಗಲೂ.

6.  ನೀ ಹೀಗೆ ನಗುವಾಗ ಕೂರಬೇಕಿದೆ

     ನಿನ್ನೆ ನೋಡುತ ನಾ ದಿಟ್ಟಿಸಿ..

     ಏನೇನೋ ನುಡಿವಾಗ ಕೇಳಬೇಕಿದೆ

     ಅದನೆ ಆಲಿಸಿ..

     ಒಟ್ಟಾರೆ ಸಾಯಬೇಕೆನಿಸಿದೆ

     ಕೊನೆವರೆಗೂ ನಿನ್ನೆ ಪ್ರೀತಿಸಿ...

ಮುಂಗುರುಳು..

ಯಾರಿರದ ದಾರಿಯಲಿ
ಗೆಳತಿ ಜೊತೆಯಲ್ಲಿ ನೀನು ಇರಲು..
ಮನವೀಗ ಮಳೆಬಿಲ್ಲ ಮುಗಿಲು..
ಮಾತಿರದ ಮೌನದಲಿ
ಭಾವಗಳ ಅದಲು-ಬದಲು
ಗೆಳತಿ ನೀ ಜೊತೆಗಿರಲು..
ಆ ತಂಗಾಳಿಯೊಡನೆ ಸಂಘರ್ಷ ನೆಡೆಸುತಿರಲು
ಆ ನಿನ್ನ ಮುಂಗುರುಳು..
ಅದ ಪದೇ-ಪದೇ ಸರಿಮಾಡಿಕೊಳ್ಳುತಿರೋ
ಆ ನಿನ್ನ ಕೈ-ಬೆರಳು..
ಅಹಾ..! ಅದ ನೋಡಲೆಷ್ಟು ಅದ್ಭುತ
ಆ ಬಿಂಬ ಹಿಡಿದಿಟ್ಟ ನನ್ನ ಕಂಗಳಿಗೆ
ಒದಗಿರಬಹುದು ಅದೆಷ್ಟು ಹಿತ..
ಬೇಕೆಂತಲೇ ನಾ ಕೈ ತಾಗಿಸಿದಾಗ
ನಸುನಕ್ಕು ನೀ ನನ್ನಡೆ ನೋಡಿದಾಗ
ವಶವಾಗದೇ ಇರಲಾರೆನೇ ನಾನು
ಹೇಳಿಬಿಡಲೇ ಇಲ್ಲಿಯೇ ಎಲ್ಲವನು...

ಆತ್ಮೀಯವಾಗಿ,
ಜಗನ್ನಾಥ. ಆರ್.ಎನ್
 

ಪ್ರಶ್ನಾರ್ಥಕ..?

ಪ್ರಶ್ನಾರ್ಥಕ..?

ಏನೊಂದು ಹೇಳದೆ
ನೀ ಹಾಗೇನೇ ಸಾಗಿದೆ..
ಏನೊಂದು ಕೇಳದೆ
ನಾ ಹಾಗೇನೇ ಹೇಳಿದೆ..
ಕೇಳಿದರೆ ಕಾರಣ
ಬದಲಿಸುತಿರುವೆ ಮಾತು..
ಬಯಲಾಗುತಿರುವೆ ನಾ
ನಿನಗೆ ಸೋತು-ಸೋತು..
ನಮ್ಮಿಬ್ಬರ ನಡುವಲಿ  ಎಲ್ಲ ಹೇಳಿಕೊಂಡ
ನಾನೊಂದು ಈಗ ತೆರದ ಪುಸ್ತಕ..
ಏನನು ಹೇಳಲಾರದೇ ಸಾಗುತಿರುವ
ನೀನೊಂದು ಪ್ರಶ್ನಾರ್ಥಕ..?

ಇಲ್ಲಿಯವರೆಗೂ ಯಾವ ರಾಧೆಯ
ಕೂಗಿಗೂ ಹೂಗುಟ್ಟದ ಮೂಖ ನಾನು..
ಆದರೆ,
ನೀ ಕರೆಯದೇ ಇದ್ದರೂ ನನಗೆ ನಾನೆ
ಹೂಗುಟ್ಟುಕೊಳ್ಳುತ್ತಿರುವ ಮೂರ್ಖ ನಾನು..
ಇದ ಅರಿಯದ ಹುಡುಗಿ ನೀನೋ..?
ಇಲ್ಲ ಅರಿತು ಎಲ್ಲ ಮರೆತು
ಸಾಗುತಿರುವ ಜಾಣ ಹುಡುಗಿ ನೀನೋ..?
ತಿಳಿಯದು ಮನಕೆ...

ಆತ್ಮೀಯವಾಗಿ,
ಜಗನ್ನಾಥ. ಆರ್.ಎನ್

ಅನಾಮಿಕ

ಅನಾಮಿಕ

ಅವಳ ಮೊದಲ ನೋಟಕೆ
ಅವನು ದಿಕ್ಕೇ ಮರೆತ ನಾವಿಕ..
ಅವಳದೊಂದು ತುಸು ಮಾತಿಗೂ
ಅವನು ಮನಮೋಹಕ..
ಅವಳದೊಂದು ಕಿರುನಗುವಿಗೂ
ಅವನು ಮೂಕ ಪ್ರೇಕ್ಷಕ...
ಅವಳ ತುಸುನೋವಿಗೂ
ಅವನು ಬಹಳ ಭಾವುಕ..
ಅವಳು ಬಂದುಹೋದ ದಾರಿಯಲಿ
ಮೂಡೋ ಹೆಜ್ಜೆ ಗುರುತಿನ ಹಿಂಬಾಲಕ..
ಮೂಡೋ ಅವಳ ನರಳನೇ ಹಿಂಬಾಲಿಸೋ
ಇವ ಪ್ರೀತಿಗೆ ಪ್ರಾಮಾಣಿಕ..
ಆದರೆ ಅವಳ ಹೃದಯಕೆ
ಮಾತ್ರ ಅನಾಮಿಕ..
ಪಾಪ ಹುಡುಗ ಮಾತ್ರ
ಅಮಾಯಕ...

ಆತ್ಮೀಯವಾಗಿ,
ಜಗನ್ನಾಥ. ಆರ್.ಎನ್

ಗಂಡ್ ಮಕ್ಳು..

ಗಂಡ್ ಮಕ್ಳು..

ಆ ಒಂದು ಲುಕ್ಕೀಗೆ
ಈ ಎಮ್ಟಿ (Empty)  ಹಾರ್ಟ್ ಅಲ್ಲಿ
ಗಿರ ಗಿಟ್ಲೆ ಆಟ..
ಈ ಹೆಣ್ ಹೈಕಳ ಲುಕ್ ಅಲ್ಲಿ
ನೂರೆಂಟು ನೋಟ..
ಏನಿಟ್ನೋ ಕಾಣೆ ಆ ಲುಕ್ ಅಲ್ಲಿ
ಪರಮಾತ್ಮನು...
ಒಟ್ಟಾರೆ ಮೈನರ್ರು ಡ್ಯಾಮೇಜು
ಗಂಡ್ಮಕ್ಳ ಹಾರ್ಟು..

ಕಂಡಂತ ಡ್ರೀಮೀನ
ಎಸ್ಟ್ರೀಮಿಗೆ ಆಗ್ಬಿಟ್ಟೋ ಆಗ್ಲೆ
ಮೂರ್ಮಕ್ಕಳು..
ಎಷ್ಟಾದ್ರು ಇವರು
ಗಂಡ್ಮಕ್ಕಳು...

ಮುಖ ತೊಳಿಯೋಕೆ ತೋರ್ತಿದ್ದ
ನಮ್ಮ ಹುಡ್ಗ "ಲೇಝಿ"
ಇಗಂತು ಮೈ-ಮೇಲೆ
ಬಂದಂಗೆ ಆಡ್ತಾನೆ "ಕ್ರೇಝಿ
ಆಗ್ದೇನೆ ಲವ್ ಕನ್ಫರ್ಮ್ (confirm)
ಮಾಡವ್ನೆ ಪರ್ಚೇಸು  3-ಜಿ(3G)..

ಟಿಪ್-ಟಾಪು ರೆಡಿಯಾಗಿ
ಮುಖಕ್ ಹಚ್ಕೊಂಡು
ಡಿಫರೆಂಟು ಕ್ರೀಮು
ಬರೋ ದಾರಿಲೇ ಕಾಯುತ್ತಾ
ಕಾಣ್ತಾನೆ ಡ್ರೀಮು..

ಅವಳು ಬಂದ್ಮೇಲೆ ನೋಡುತ್ತಾ
ನಕ್ಬಿಟ್ರೆ ಓಮ್ಮೆ
ಬೆಲೆಬಂದಂಗೆ ಇವನ
ತಾಲೀಮಿಗೆ..
ಇಲ್ದಿದ್ರೆ ಬೈತಾನೆ
ಸುಮ್-ಸುಮ್ನೆ
ಪಕ್ದೋರಿಗೆ....

ಆತ್ಮೀಯವಾಗಿ..
ಜಗನ್ನಾಥ.ಆರ್.ಎನ್

ಅಲೆಮಾರಿ...

ಇರುವುದ ಮರೆತು
ಎನೋ ಹುಡುಕುತ
ಅಲೆಯುವ ಈ ಅಲೆಮಾರಿಯ ಜೀವನ...
ಸರಿ ಹೋಗುವ ಆ ದಿನಗಳು
ಬರುವುದು ಎಂದೋ...?

ನೆನಪಲೇ ಗೀಚುತ
ಕಾಲ ಕಳೆಯುತ
ಮರೆತಿಹ ವಾಸ್ತವ
ಈ ಅಲೆಮಾರಿ..
ಯಾರಿಗೂ ಬೇಕು-ಬೇಡದ ಸಂಚಾರಿ...

ಇಹ-ಪರ ಮರೆತು
ಮೌನದಿ ನಿನ್ನನೇ ಧ್ಯಾನಿಸಿ
ನಿನ್ನ ಸಂಗಕೆ ಪರಿತಪಿಸಿ
ಕಳೆಯುವ ಕಾಲ
ಈ ಅಲೆಮಾರಿ..

ಪ್ರತಿ ರಾತ್ರಿ,
ವಿದಾಯಕೆ ಸಿಗದಿದ್ದ
ಕಾರಣ ನೆನೆದು..
ಆ ತಾರೆ-ಚಂದಿರರೊಡನೆ
ಸಂಭಾಷಣೆ ನಡೆಸುತ
ಅವನ ಪ್ರಶ್ನೆಗೆ ಅವನೇ
ಉತ್ತರಿಸಿಕೊಳುತ..
ದೂಕಿಹ ದಿನಗಳನು
ಈ ಅಲೆಮಾರಿ...

 ಆ ಬ್ರಹ್ಮ ಗೀಚಿದ
ನಾಲ್ಕು ಸಾಲಿನ ಬಳುವಳಿ ಈ ಬದುಕು..
ಎಂಬ ನಿಲುವಲೇ ಕಾಲ ಕಳೆಯುತ
ಸಾಗಿರೋ ಈ ಅಲೆಮಾರಿಯ
ಅಲೆದಾಟಕೆ ಎಂದೋ ಕಡಿವಾಣ...?
ಆತ್ಮೀಯವಾಗಿ,
ಜಗನ್ನಾಥ ಆರ್.ಎನ್
 

ಅಮ್ಮ

ಇಂದು ಅಮ್ಮನ ಕುರಿತಾದ ನನ್ನ ಸಾಲುಗಳು..

ಅಮ್ಮ

ನಾ ಹುಟ್ಟಿದ ಮೇಲೆ ತಾನೆ
ನೀ ನಿನಗಾಗಿ ಬದುಕೋದ ಮರೆತದ್ದು..
ನನ್ನಲ್ಲೆ ನಿನ್ನ ಬದುಕ ಕಾಣತೊಡಗಿದ್ದು
ಎಂತಹ ಅನುಬಂದವಿದು
ಸೃಷ್ಟಿಕರ್ತನ ನಿಷ್ಕಲ್ಮಶ ಸಂಬಂದವಿದು..

ನಾ ಗರ್ಭದಲ್ಲಿರುವಾಗಲೇ
ನನ್ನ ಮೇಲೆ ಕಟ್ಟತೊಡಗಿದ
ಕನಸುಗಳನೆಲ್ಲ ಎಲ್ಲರೊಡನೆ ವಿವರಿಸುತ್ತಿದ್ದೆ..
ಅಂದೆ ನಿನ್ನೆಲ್ಲಾ ಕನಸು ನಾನಗತೊಡಗಿದೆ..

ಅತ್ತರೆ ಹಸಿವೆಂದು
ಮೊದಲು ಎದೆಹಾಲ ಉಣಿಸಿ..
ನನ್ನ ಖುಶಿಗೆಂದು ಅಪ್ಪನಿಂದ
ಏನೆಲ್ಲಾ ಆಟಾಸಾಮಾನ ತರಸಿ..
ನನ್ನ ನಗುವ ನೀ ನೋಡುತ್ತಿದ್ದೆ..

ತುತ್ತು ತಿನ್ನಲು ಹಟತೊಟ್ಟರೆ
ಮುತ್ತು ನೀಡುತ, ಅಪ್ಪನನ್ನೇ ಆನೆ ಮಾಡಿ
ನನ್ನ ಅಂಬಾರಿಯಂತೆ ಕೂರಿಸಿ
ಏನೆಲ್ಲಾ ಆಟ ಆಡಿಸಿ
ಚಂದಮಾಮನ ಕೊಡಿಸೋ ಆಸೆ ತೋರಿಸಿ
ನನ್ನ ಕಿಲ ಕಿಲ ನಗುವಲಿ
ಆ ನಗುವ ನಡುವಲಿ ತುತ್ತು ತಿನ್ನಿಸಿ
ಏನೆಲ್ಲಾ ಸಂತಸವ ಕಾಣುತ್ತಿದ್ದೆ..

ನೀನು ನಿನಗೋಸ್ಕರ
ಅಂದಿನಿಂದ ಖುಷಿಪಟ್ಟ ದಿನ
ನಾ ನೋಡಲೇ ಇಲ್ಲವಲ್ಲ
ಕಾರಣ ನಿನಗೆ ನಾನೇ ಎಲ್ಲ ಅಲ್ಲ..
ನನ್ನ ಕಣ್ಣಲೊಂದು ಹನಿ ಬಿದ್ದರೆ
ಅಂದು ಮರುಗಿದವಳು ನೀನೆ
ಇಂದಿಗೂ ಎಲ್ಲಿದ್ದರು ಕನಳುವಳು ನೀನೆ..
ನಿನ್ನ ಋಣ ಹೇಗೆ ತೀರಿಸಲಿ
ಮರು ಜನ್ಮದಲ್ಲಾದರೂ ನನಗೆ
ಕರುಣಿಸು ನಿನ್ನ ಸ್ಥಾನವ...

ಆತ್ಮೀಯವಾಗಿ..
ಜಗನ್ನಾಥ ಆರ್.ಏನ್