Thursday, January 17, 2013

ಶೂನ್ಯ...



ಬರೆಯುವಾಗಿನ ಲೇಖನಿಯ
ನೆರಳು ಕೂಡ ಅಣಕಿಸುತಿದೆ
ನೀ ಬರೆಯುವುದು
ಅವಳ ಕುರಿತೆ ಎಂದೆ...
ಆ ನೆರಳಿಗೇನು ಗೊತ್ತು ಪಾಪ
ನೀ ನನ್ನ ಸ್ವಾತಿಮುತ್ತು ಎಂದು..

ಎಲ್ಲ ಬೆರಗು ಕಂಗಳಿಂದ
ನೋಡಬಹುದು ನನ್ನ..
ಯಾರೂ ನನ್ನ ಆಂತರ್ಯದಿಂದ
ದೂರ ಮಾಡಲಾರರು ನಿನ್ನ...
ನೀನೂ ಕೂಡ ಅಳಿಸಲಾರೆ
ನನ್ನ ಎದೆಗೂಡಿನಲ್ಲಿನ ನಿನ್ನ ಮುಖಪುಟವ..
ಆವರಿಸಿರುವಾಗ ನಿನ್ನದೆ
ಪ್ರತಿ ಪುಟವ...

ನೀನೇ ನನ್ನ ಒಲವ ಮುಂದೆ
ಸೋತಿರುವಾಗ..
ಗೆಲ್ಲುವರ್ಯಾರು ಇನ್ನ ನನ್ನ ಮುಂದೆ..
ಕನಸು ಕೂಡ ಸೋತಿರುವಾಗ
ಬೇರೆ ಕನಸಿಗೆ ಜಾಗ ನೀಡಲು..
ಮನಸೇ ಮುಡಿಪಾಗಿರುವಾಗ
ನಾನೆಂದು ನಿನಗೆ ಎನಲು
ಜಗವೆಲ್ಲ ಶೂನ್ಯ ..

ಆತ್ಮೀಯವಾಗಿ,
ಜಗನ್ನಾಥ ಆರ್.ಎನ್